Suriyada hakimiyyət dəyişikliyindən sonra 35 mindən çox suriyalı qaçqın Türkiyədən vətənlərinə qayıdıb.
Teleqraf.com xəbər verir ki, bu barədə Türkiyənin daxili işlər naziri Əli Yerlikaya "NTV" telekanalına müsahibəsində bildirib.
“Dekabrın 8-dən dekabrın 29-dək Türkiyədən Suriyaya 35 114 qaçqın qayıdıb. Əsasən Hələbə gündə təxminən 1,7 min insan qayıdıb”, - deyə o bildirib.
O, həmçinin Türkiyənin Dəməşqdəki səfirliyində qaçqınlarla iş üzrə nümayəndəliyin açılmasının nəzərdə tutulduğunu bildirib.
Qeyd edək ki, Türkiyədə təxminən 2,9 milyon suriyalı qaçqın var.
