BAKI, 12 fevral. TELEQRAF

Bakının Nərimanov rayonunda yerləşən “pub”ların birində əxlaqsız video çəkərək sosial şəbəkədə paylaşan və bununla da cəmiyyətə açıq formada hörmətsizlik edən daha iki nəfər məsuliyyətə cəlb olunub.

Teleqraf-ın əldə etdiyi məlumata görə, yayılan görüntülərdə yer alan Ç.S, R.H və E.Ə barəsində polis tərəfindən İnzibati Xətalar Məcəlləsinin 510.2 və 535.1-ci maddələri ilə protokol tərtib edilib.

Protokol baxılması üçün Nərimanov Rayon Məhkəməsinə göndərilib.

Məhkəmənin qərarına əsasən, videoda yer alan qadın 25, digər iki kişi isə 30 sutka inzibati qaydada həbs olunub.