BAKI, 2 aprel. TELEQRAF

Cari ilin ilk 3 ayında 60 transplantasiya əməliyyatı icra olunub.

Bunu Teleqraf-a açıqlamasında Səhiyyə Nazirliyi Orqan Donorluğu və Transplantasiya üzrə Koordinasiya Mərkəzinin İdarə Heyətinin sədri Yeganə Abbasova deyib.

O bildirib ki, bu xidmətlərin 16-ı uşaqlara, 44-ü böyüklərə aiddir. Ən çox transplantasiya əməliyyatı böyrək üzrə olub.

Onun sözlərinə görə, ölümündən sonra orqanlarını bağışlamaq üçün müraciət edənlərin sayında artım müşahidə olunur.

⁠"İlk meyit donordan sonra ölümündən sonra donor olmaq istəyənlərin sayı isə xeyli artıb",- Y.Abbasova əlavə edib.