BAKI, 23 mart. TELEQRAF

Milli Məclisin sədr müavini Rafael Hüseynov Üç Dəniz Təşəbbüsü üzrə Parlament Zirvə Toplantısında iştirak etmək üçün martın 24-dən 26-dək Xorvatiyanın Zaqreb şəhərinə səfər edəcək.

Bu barədə Teleqraf-a Milli Məclisin mətbuat xidmətindən məlumat verilib.

Bildirilib ki, Xorvatiya Parlamentinin təşkilatçılığı ilə keçiriləcək tədbirdə “Üç Dəniz Təşəbbüsünün irəli aparılması: gələcəyə baxış, məsuliyyət, tərəfdaşlıq” mövzusunda müzakirələr aparılacaq, dünyada artan geosiyasi qeyri-müəyyənliklər fonunda parlamentlərin rolu diqqətə çatdırılacaq.

Vitse-spiker Rafael Hüseynovun toplantıda çıxışı nəzərdə tutulur.