Co Bayden administrasiyası qələbə naminə ABŞ Konstitusiyasını pozmağa hazırdır və prezidentin özü demokratiya üçün təhlükə yaradır.

Teleqraf.com TASS-a istinadən xəbər verir ki, bunu ABŞ-ın keçmiş prezidenti Donald Tramp deyib.

Bir müdddət əvvəl açıqlanan sorğunun nəticələrinə görə, amerikalılar Co Baydeni deyil, Donald Trampı prezident seçəcəklər.

Seçim bu iki namizəd arasında olsaydı, amerikalıların 47%-i Trampı, 43%-i isə Baydeni seçərdi. Beş namizəd olsaydı, seçicilərin 37 faizi Trampa, 31 faizi isə Baydenə səs verəcəkdi.

Bayden üçün bu nəticələr onun hakimiyyətə gəlişindən bəri ən pis nəticələrdir.

Seçicilərin 23%-i Baydenin siyasətinin onlara şəxsən müəyyən faydalar gətirdiyini, 53%-i isə onun hərəkətlərindən zərər gördüyünü bildirib.