BEYLƏQAN, 16 avqust. TELEQRAF
Beyləqanda kanalda batan şəxsin kimliyi məlum olub.
Teleqraf-ın Qarabağ bürosunun xəbərinə görə, kanalda batan 2007-ci il təvəllüdlü Hüseynli Rəvanə Rəşad qızıdır.
Hazırda FHN-nin dalğıc-axtarış qrupu R.Hüseyinlinin tapılması istiqamətində axtarış-xilasetmə tədbirlərini davam etdirir.
***
10:40
Qarabağ kanalının Beyləqan rayonu, İkinci Aşıqlı kəndindən keçən hissəsində 1 nəfər batıb.
Bu barədə Teleqraf-a Fövqəladə Hallar Nazirliyinin Mətbuat xidmətindən məlumat verilib.
Bildirilib ki, Fövqəladə Hallar Nazirliyinin "112" qaynar telefon xəttinə Qarabağ kanalının Beyləqan rayonu, İkinci Aşıqlı kəndindən keçən hissəsində 1 nəfərin batması barədə məlumat daxil olub. Məlumatla əlaqədar Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.
Əlavə məlumat veriləcək.
