BAKI, 19 avqust. TELEQRAF

Göygölün Aşağı Zurnabad qəsəbəsində yerləşən “Çiçəkli” Su Elektrik Stansiyasında istismara verildiyi tarixdən cari ilin iyul ayınadək 70,4 milyon kilovat-saat elektrik enerjisi istehsal edilib.

Bu barədə Teleqraf-a Energetika Nazirliyindən bildirilib.

Məlumata görə, su elektrik stansiyaları bərpa olunan enerji istehsalının artırılması, yerli su ehtiyatlarından səmərəli istifadə və enerji təhlükəsizliyinin gücləndirilməsi baxımından mühüm əhəmiyyət daşıyır.

Xatırladaq ki, 3 MVt gücündə olan “Çiçəkli” SES 2017-ci ilin avqustun 19-da Göygölun Aşağı Zurnabad qəsəbəsində yenidənqurmadan sonra istifadəyə verilib.