BAKI, 10 may. TELEQRAF
ABŞ Prezidenti Donald Tramp sosial şəbəkədə İranın 159 gəmisinin virtual şəkildə məhv edildiyini əks etdirən görüntülər yayımlayıb.
Teleqraf xəbər verir ki, Tramp paylaşımı özünün "Truth Social" platformasında edib.
Yayımlanan kadrlarda ABŞ Hərbi Dəniz Qüvvələrinin vəziyyəti Barak Obama, Co Bayden və Donald Tramp administrasiyaları dövrü ilə müqayisə olunur.
Süni intellekt vasitəsilə hazırlanmış görüntülərdə Trampın İran donanmasına qarşı zərbələri izlədiyi əks olunub. Videonun sonunda isə bütün gəmilərin okeanın dibinə batdığı göstərilir.
Paylaşım sosial şəbəkələrdə geniş müzakirələrə səbəb olub.
