BAKI, 29 mart. TELEQRAF
İran ordusu tezliklə Yaxın Şərqdə yeni qiymətli ABŞ və İsrail hədəflərinə zərbə endirəcək.
Teleqraf xəbər verir ki, bu barədə İslam İnqilabı Keşikçiləri Korpusunun Aerokosmik Qüvvələrinin komandanı general Məcid Musəvi "X" platformasında yazıb.
Onun sözlərinə görə, İran zərbələrinin səyləri sayəsində Amerikanın İran sərhədlərindən uzaqlaşmaqdan başqa çarəsi yoxdur.
"Bunu İran tərəfindən məhv edilmiş Amerika təyyarələrinin qalıqları, eləcə də məhv edilmiş düşmən anbarları sübut edir. Tezliklə bu hədəflər siyahısına daha çox yüksək dəyərli hədəflər əlavə olunacaq", - Musəvi vurğulayıb.
