BAKI, 15 mart. TELEQRAF

Kubada enerji böhranı fonunda keçirilən etiraz aksiyaları zamanı nümayişçilər Moron şəhərində Kommunist Partiyasının qərargahına hücum ediblər.

Teleqraf xəbər verir ki, bu barədə "Associated Press" məlumat yayıb.

Məlumata görə, etirazçılar partiyanın ofisinə hücum edərək qəbul otağındakı mebelləri yandırıblar. Həmçinin binaya daş atıldığı bildirilir.

Hadisə ölkədə davam edən enerji böhranı fonunda baş verən etiraz aksiyaları zamanı qeydə alınıb.

Məlumata əsasən, insidentlə əlaqədar beş nəfər saxlanılıb.