BAKI, 10 yanvar. TELEQRAF

ABŞ-nin onlarla beynəlxalq təşkilatdan çıxması qərarı Vaşinqtonun dünyaya arxa çevirməsi anlamına gəlməməlidir.

Teleqraf xəbər verir ki, bu barədə ABŞ dövlət katibi Marko Rubio bildirib.

Onun sözlərinə görə, ABŞ Amerika vergi ödəyicilərini qlobal idarəetmə arxitekturasının qarantı kimi görən köhnəlmiş çoxtərəflilik modelindən imtina edir.

Rubio əlavə edib ki, ABŞ beynəlxalq təşkilatlarda gələcək iştirakını yenidən nəzərdən keçirəcək.

Xatırladaq ki, yanvarın 8 ABŞ Prezidenti Donald Tramp ölkənin 66 beynəlxalq təşkilatdan çıxmasını nəzərdə tutan memorandum imzalayıb.