BAKI, 28 dekabr. TELEQRAF
Hazırda Rusiyanın sürətli irəliləməsi və dərin hərbi əməliyyatlar keçirmək qabiliyyəti mövcud deyil. Hazırkı vəziyyət və strateji məhdudiyyətlər Kremlin hücum imkanlarını ciddi şəkildə məhdudlaşdırır.
Teleqraf xəbər verir ki, bu barədə ABŞ-ın Müharibə Araşdırmaları İnstitutu (ISW) məlumat yayıb.
Analitiklərin qiymətləndirməsinə görə, Rusiya artıq 2022-ci ildə olduğu kimi gündə onlarla kilometr irəliləyə bilmir. Qonşu ölkələrdən və cəbhədən itkilər səbəbindən strateji ehtiyatlar formalaşdırmaq mümkün olmur, bu da Rusiya ordusunun müəyyən bir istiqamətə ciddi təzyiq göstərməsini çətinləşdirir.
ISW bildirir ki, mövcud könüllü və rezerv qüvvələrin sayı yalnız itkiləri əvəz etməyə yetir və bu səbəbdən rus qoşunları flanqlarını zəiflədir. Ukrayna müdafiə qüvvələri bu boşluqlardan istifadə edərək kontre-tədbirlər həyata keçirir.
Analitiklərin fikrincə, mövcud hərbi məhdudiyyətlər və Ukraynaya verilən dəstək davam edərsə, 2026-cı ildə rus qoşunlarının cəbhə boyunca irəliləməsi sürət və miqyas baxımından dəyişməyəcək.
ISW həmçinin Rusiya prezidentinin və generallarının cəbhə boyunca irəliləyiş barədə açıqlamalarını təkzib edib və Kremlin sürətli irəliləyiş bacarığına dair iddialarını rədd edib.
DeepState isə bildirir ki, rus qoşunları yalnız Mirnoqrad və Qulyaypol yaxınlığında məhdud kontrol əldə edib, şəhərlər isə tam olaraq “boz zona”da qalır.
