BAKI, 21 aprel. TELEQRAF
İran hökuməti ABŞ ilə bərabər şərtlərdə nüvə sazişi imzalamağa hazırdır.
Teleqraf xəbər verir ki, bu barədə İran prezidentinin rəsmi saytı məlumat yayıb.
Prezident Məsud Pezeşkian deyib:
“Birləşmiş Ştatlarla danışıqlarla bağlı onu deyə bilərəm ki, biz müəyyən çərçivələr daxilində və milli maraqların gözlənilməsi şərti ilə razılaşmaya hazırıq, lakin onlar bizimlə bərabər şərtlərlə sövdələşmə bağlamaq istəməsələr, öz yolumuzla getməyə davam edəcəyik".
Aprelin 19-da Romada İran və ABŞ arasında İranın nüvə proqramı ilə bağlı fikir ayrılıqlarının həllinə dair danışıqların ikinci raundu başa çatıb. İRİB-in məlumatına görə, o, konstruktiv atmosferdə keçib.
Oman Xarici İşlər Nazirliyinin məlumatına görə, Tehran və Vaşinqton İranın nüvə silahı yaratmaq niyyətindən tamamilə imtina etməsini və sanksiyaların tamamilə ləğvini təmin edən sazişi müzakirə edirlər. Eyni zamanda, İran dinc nüvə enerjisini inkişaf etdirmək hüququnu özündə saxlaya bilər.
