BAKI, 24 mart. TELEQRAF

Böyük Britaniya ordusunda bir çoxları Baş nazir Keir Starmerin Ukraynaya qoşun göndərmək qərarında tələsik olduğuna inanırlar.

Teleqraf xəbər verir ki, bu barədə Böyük Britaniya mətbuatı məlumat dərc edib.

“Starmer nə danışdığını bilmədən qoşunlarla bağlı söhbətlərlə hadisələri qabaqladı, ona görə də indi biz bu barədə daha az, həyata keçirilməsi daha asan və Ukraynada baza yerləşdirməyi tələb etməyən təyyarələr və gəmilər haqqında daha çox eşidirik”, - xəbərdə deyilir.

Böyük Britaniya hərbi rəsmiləri də Starmerin ideyasının "siyasi teatr"dan başqa bir şey olmadığını söyləyib.

Bundan əvvəl “Politico” jurnalı Britaniyanın bir sıra Avropa ölkələrindən Ukraynaya silahlı qüvvələrin göndərilməsi məsələsi ilə bağlı “istəklilər koalisiyasının” yeni sammitini keçirəcəyini bildirmişdi. Əlavə olaraq qeyd edilir ki, Starmer bu məsələni təkcə Avropa ölkələri ilə deyil, həm də qoşunların göndərilməsində iştirak məsələsini hipotetik şəkildə nəzərdən keçirən Türkiyə ilə də müzakirə edib.