​BAKI, 13 mart. TELEQRAF

Azərbaycan Respublikası Prezidentinin Sərəncamı ilə ölkəmizin Rumıniya, Macarıstan və Monteneqro ilə iqtisadi əməkdaşlıq üzrə birgə komissiyalarında bəzi dəyişikliklər edilib.

Teleqraf xəbər verir ki, dəyişikliklərə əsasən:

Azərbaycan-Rumıniya Müştərək Komissiyası, Azərbaycan-Macarıstan Birgə Komissiyası və Azərbaycan-Monteneqro Birgə Komissiyasının tərkibində “əmək və əhalinin sosial müdafiəsi” ifadəsi “maliyyə” sözü ilə əvəz olunub.

Hər üç komissiyanın heyətinə Azərbaycan Respublikası əmək və əhalinin sosial müdafiəsi nazirinin müavini daxil edilib.

Sərəncama əsasən, Azərbaycan Respublikasının Xarici İşlər Nazirliyi bu dəyişikliklər barədə müvafiq ölkələrə rəsmi bildiriş göndərəcək.

Bu dəyişikliklər iqtisadi komissiyaların fəaliyyətinin daha səmərəli təşkilinə və beynəlxalq əməkdaşlığın gücləndirilməsinə xidmət edir.