BƏRDƏ, 10 iyun. TELEQRAF

Bərdə rayonunda paltar asarkən eyvandan yıxılan qadının son durumu açıqlanıb.

Bərdə Rayon Mərkəzi Xəstəxanasından Teleqraf-ın yerli bürosuna bildirilib ki, 1975-ci il təvəllüdlü şəxs (qadın cinsli) günorta saatlarında tibb müəssisələrinin Təcili tibbi yardım şöbəsinə hospitalizasiya olunub.

Məlumata görə, ona sağ çənə şaxəsinin, sağ qasıq oturaq sümüklərinin, hər iki budun yerdəyişmiş sınıqları, kəllə-beyin travması, travmatik şok (III dərəcə) diaqnozları qoyulub.

"Pasiyentin müalicəsi Reanimasiya şöbəsində davam etdirilir, vəziyyəti ağır stabildir", - xəstəxanadan qeyd olunub.

***

19.05

Bərdədə 50 yaşlı qadın paltar asarkən yaşayış binasının üçüncü mərtəbəsindən yıxılıb.

Teleqraf-ın yerli müxbirinin xəbərinə görə, hadisə rayonun məcburi köçkünlərin məskunlaşdığı 588 saylı qəsəbəsində qeydə alınıb.

1975-ci il təvəllüdlü Vəzifə Hümbətova yaşadığı evin eyvanında ipə paltar asarkən ehtiyatsızlıqdan üçüncü mərtəbədən yıxılıb.

Yaralı Bərdə Mərkəzi Xəstəxanasına yerləşdirilib.

Faktla bağlı rayon prokrorluğunda araşdırma aparılır.