BAKI, 29 may. TELEQRAF
Polis əməkdaşları tərəfindən paytaxtın Suraxanı, Sabunçu rayonlarında və Lənkəran şəhərində narkotik maddələrin qanunsuz dövriyyəsinə qarşı əməliyyatlar keçirilib.
Bu barədə Teleqraf-a Daxili İşlər Nazirliyinin Mətbuat xidmətindən məlumat verilib.
Tədbirlərlə qeyd edilən cinayət əməlində şübhəli bilinən 48 yaşlı N.İbadov, 29 yaşlı T.Abbasov və həmyaşıdı Ə.Məmmədli saxlanılıblar.
Onlardan ümumi çəkisi 5 kiloqrama yaxın narkotik vasitə heroin, marixuana, psixotrop maddə metamfetamin, 2 ədəd elektron tərəzi və narkotiklərin onlayın alqı-satqısında istifadə olunan 2 ədəd bank kartı aşkarlanıb.
Hər üç faktla bağlı araşdırma aparılır.
