BAKI, 4 aprel. TELEQRAF

Prezident İlham Əliyevin aprelin 4-də imzaladığı sərəncama əsasən, Elm və Təhsil Nazirliyinin tabeliyində fəaliyyət göstərən bir sıra elmi institutlar birləşdirilərək publik hüquqi şəxslər kimi yenidən təşkil olunacaqlar. Eyni zamanda, bəzi institutlar birləşdirilərək yeni elmi müəssisələr yaradılacaq.

Teleqraf birləşdiriləcək institutların direktorlarının siyahısını təqdim edir:

Geologiya və Geofizika İnstitutu - baş direktor akademik Akif Əlizadə (AMEA-nın keçmiş prezidenti)

Neft və Qaz İnstitutu - baş direktor akademik Fəxrəddin Qədirov

Akademik Həsən Əliyev adına Coğrafiya İnstitutu - icraçı direktor coğrafiya üzrə fəlsəfə doktoru Zaur İmrani

Torpaqşünaslıq və Aqrokimya İnstitutu - baş direktor AMEA-nın müxbir üzvü Əlövsət Quliyev

Fizika İnstitutu - baş direktor akademik Arif Həşimov

Radiasiya Problemləri İnstitutu - baş direktor AMEA-nın müxbir üzvü İslam Mustafayev

Akademik M.Nağıyev adına Kataliz və Qeyri-üzvi Kimya İnstitutu - baş direktor akademik Dilqəm Tağıyev (AMEA-nın vitse-prezidenti)

Akademik Əli Quliyev adına Aşqarlar Kimyası İnstitutu - baş direktor akademik, əməkdar elm xadimi Vаqif Fərzəliyev

İdarəetmə Sistemləri İnstitutu - baş direktor akademik Əli Abbasov (keçmiş rabitə və yüksək texnologiyalar naziri)

Riyaziyyat və Mexanika İnstitutu - direktor AMEA-nın müxbir üzvü Misir Mərdanov (sabiq təhsil naziri)

Botanika İnstitutu - baş direktor biologiya elmlər doktoru, professor Səyyarə İbadullayeva

Dendrologiya İnstitutu - baş direktor biologiya üzrə fəlsəfə dostoru, dosent Minarə Həsənova

Zoologiya İnstitutu - baş direktor aqrar elmlər üzrə fəlsəfə doktoru, dosent Ələddin Eyvazov

Akademik Abdulla Qarayev adına Fiziologiya İnstitutu - direktor biologiya elmləri doktoru, professor Ulduz Həşimova

Molekulyar Biologiya və Biotexnologiyalar İnstitutu - baş direktor akademik İradə Hüseynova

Mikrobiologiya və Biofizika İnstitutu - baş direktor biologiya üzrə elmlər doktoru, professor Pənah Muradov

Ləğv edilən elmi müəssisələrin rəhbərləri:

“Nafta” Elmi-İstehsalat Birliyinin direktoru, kimya elmləri üzrə fəlsəfə doktoru Adəm Quluzadə

“Aşqar” Elmi-İstehsalat Birliyinin direktoru texnika üzrə fəlsəfə doktoru Kamal Kərimov

“Kompozit” Elmi-İstehsalat Birliyinin direktoru fizika üzrə fəlsəfə doktoru Yaşar Hüseynəliyev

Qeyd edək ki, sərəncama əsasən, aşağıdakı institutlar birləşdiriləcək və onların bazasında yeniləri yaradılacaq.

Geologiya İnstitutu – Geologiya və Geofizika İnstitutu ilə Neft və Qaz İnstitutunun bazasında;

Coğrafiya İnstitutu – Akademik Həsən Əliyev adına Coğrafiya İnstitutu və Torpaqşünaslıq və Aqrokimya İnstitutunun birləşdirilməsi ilə;

Fizika İnstitutu – Fizika İnstitutu və Radiasiya Problemləri İnstitutunun əsasında;

Kimya İnstitutu – Akademik Murtuza Nağıyev adına Kataliz və Qeyri-üzvi Kimya İnstitutu ilə Akademik Əli Quliyev adına Aşqarlar Kimyası İnstitutunun birləşdirilməsi ilə;

Riyaziyyat İnstitutu – İdarəetmə Sistemləri və Riyaziyyat və Mexanika institutlarının bazasında;

Botanika İnstitutu – Botanika və Dendrologiya institutlarının birləşdirilməsi ilə;

Canlı Sistemlərin Tədqiqi İnstitutu – Zoologiya və Fiziologiya institutlarının birləşdirilməsi ilə;

Molekulyar Biologiya İnstitutu – Molekulyar Biologiya və Biotexnologiyalar, Mikrobiologiya və Biofizika institutlarının əsasında;