BAKI. 8 iyun. TELEQRAF

3x3 qadın basketbolçulardan ibarət Azərbaycan millisi Avropa Kubokunun (2025) təsnifat mərhələsinin final oyununda Kiprlə qarşılaşıb.

Teleqraf xəbər verir ki, Azərbaycan millisi 21:18 hesabı ilə qalib gələrək, Avropa Kubokunun final mərhələsində iştirak hüququ qazanıb.

Final mərhələsi 5 - 7 sentyabrda Danimarkanın paytaxtı Kopenhagendə keçiriləcək.

*** 21:16

3x3 qadın basketbolçulardan ibarət Azərbaycan millisi Avropa Kubokunun (2025) təsnifat mərhələsinin yarımfinal oyununu keçirib.

Teleqraf xəbər verir ki, rəqib Malta seçməsi olub.

21:11 hesabı ilə qalib gələn Azərbaycan komandası finalda Kiprə rəqib olub.

Qeyd edək ki, final oyunu Bakı vaxtı ilə saat 22:15-da baş tutacaq və FIBA-nın rəsmi youtube kanalından canlı yayımlacaq.