BAKI, 5 aprel. TELEQRAF

ABŞ-nin "Vaşinqton Kepitalz" klubunun hokkeyçisi Aleksandr Oveçkin qollarının sayında Milli Hokkey Liqası (NHL) tarixinin bombardiri Ueyn Qretskiyə çatıb.

Teleqraf xəbər verir ki, paytaxt təmsilçisinin kapitanı buna evdə NHL-in müntəzəm mövsümündə "Çikaqo Blekhoks"u 5:3 hesabı ilə məğlub etdikləri matçda nail olub.

40 yaşlı rusiyalı idmançı görüşdə dubla imza ataraq NHL-dəki qollarının sayını 894-a çatdırıb. Bununla da, Oveçkin əfsanəvi Qretski ilə liqa tarixinin ən çox qol vuran hokkeyçisidir.

Qeyd edək ki, Aleksandr Oveçkin 2005-ci ildən "Vaşinqton Kepitalz" klubunun şərəfini qoruyur.