BAKI, 12 fevral. TELEQRAF

Bakıda badminton üzrə qarışıq komandalar arasında Avropa çempionatı start götürüb.

Teleqraf xəbər verir ki, Azərbaycan milli komandası ilk turda İngiltərə ilə qarşılaşıb.

5 kateqoriya üzrə (kişilərin şəxsi və qoşa, qadınların şəxsi və qoşa və qarışıq qoşa) keçirilən oyunda meydan sahibləri rəqibinə 2:3 hesabı ilə məğlub olub.

Azərbaycan millisi növbəti turda İspaniya ilə üz-üzə gələcək. Fevralın 13-də keçiriləcək qarşılaşma saat 10:00-da başlayacaq.

Qeyd edək ki, Bakı İdman Sarayında təşkil olunan yarış fevralın 16-da bitəcək.