BAKI, 16 oktyabr. TELEQRAF

Suriya hakimiyyəti devrilmiş prezident Bəşər Əsədi dəstəkləyən "hərbi qruplaşma"nın lideri Mihraj Ural kimi tanınan Əli Kayalinin həbs olunduğunu açıqlayıb.

Teleqraf xəbər verir ki, o, 2013-cü ildə təxminən 250 mülki şəxsin kütləvi şəkildə qətlə yetirilməsini təşkil etməkdə ittiham olunur.

SANA-nın verdiyi məlumata görə, təhlükəsizlik qüvvələri Kayalini Suriyanı tərk etməyə çalışarkən həbs edib.

Kayali Türkiyədə anadan olub və 1982-ci ildə həbsxanadan qaçraq Suriyaya köçüb. Məlumata görə, orada Əsəd hökumətini dəstəkləyən hərbiləşdirilmiş qrup yaradıb.

2024-cü ildə Əsədin devrilməsindən sonra yeni Suriya hakimiyyəti onlarla keçmiş təhlükəsizlik qüvvələrini həbs edib. Onların məhkəmələri aprel ayında başlayıb.