BAKI, 20 avqust. TELEQRAF

Bazar günü İtaliyanın cənubundakı Kalabriya bölgəsində itkin düşən yüngül mühərrikli təyyarənin qalıqları tapılıb.

Teleqraf xəbər verir ki, "Ansa" agentliyinin məlumatına görə, təyyarədə olan iki nəfər ölüb.

Təyyarənin qalıqları Kozenza əyalətinin Lagiçello bölgəsində, Fuskaldo bələdiyyəsindəki kiçik bir təbii gölün yaxınlığında tapılıb.

Qurbanların Romadan olan 64 yaşlı pilot Karlo Arnulfo və Materadan olan 55 yaşlı Angela Buccico olduğu müəyyən edilib.

Hər ikisi vəkil idi.

Buççiko 2007-ci ildən 2009-cu ilə qədər Matera şəhərinin meri olmuş Emilio Nikola Buççikonun qızı və şəhərin hazırkı mer müavini Rokko Buççikonun bacısı idi.

Fuskaldo meri Giacomo Midea təyyarənin aşkarlandığını təsdiqləyib.