BAKI, 27 mart. TELEQRAF

Böyük Britaniya hökuməti Ukraynanın hava hücumundan müdafiəsini gücləndirmək üçün əlavə 100 milyon funt sterlinq (115 milyon avro) məbləğində təcili vəsait ayırdığını açıqlayıb.

Teleqraf xəbər verir ki, bu barədə Britaniya hökuməti saytında məlumat yayıb.

Hesabatda deyilir ki, Böyük Britaniya Ukraynanın hava hücumlarından müdafiəsini dəstəkləmək üçün təcili olaraq əlavə 100 milyon funt sterlinq ayıracaq.

Maliyyələşdirmə tez bir zamanda Ukraynanın hava hücumlarından müdafiəsinin gücləndirilməsinə, irəlidə yerləşdirilən qüvvələrin və əsas milli infrastrukturun hava hücumlarından daha yaxşı qorunmasının təmin edilməsinə yönəldiləcək.