BAKI, 18 mart. TELEQRAF

Avropa ABŞ və İsraili İrana qarşı müharibəyə son qoymağa çağırmalıdır.

Teleqraf xəbər verir ki, bunu İslam Respublikasının xarici işlər naziri Abbas Əraqçi Aİ-nin xarici işlər və təhlükəsizlik siyasəti üzrə ali nümayəndəsi Kaja Kallas ilə telefon danışığında bildirib.

İran Xarici İşlər Nazirliyinin mətbuat xidməti Əraqçinin sözlərini sitat gətirib: "Hörmüz boğazında gəmiçiliyin fəaliyyətinin pozulması ABŞ və sionist rejimi tərəfindən tətbiq edilən müharibənin nəticəsidir və əgər Avropa İttifaqı və Avropa ölkələri həqiqətən də bölgədəki sülh və təhlükəsizlikdən narahatdırlarsa, məsuliyyətsiz mövqelərini ifadə etmək əvəzinə, təcavüzkarlara təzyiq göstərməli və İran xalqına qarşı hərbi təcavüzə son qoymağa çalışmalıdırlar".