BAKI, 15 mart. TELEQRAF

İraqın paytaxtı Bağdadda ABŞ səfirliyinə məxsus logistika mərkəzinin raket hücumuna məruz qaldığı bildirilir.

Teleqraf xəbər verir ki, bu barədə "Al Hadath" telekanalı məlumat yayıb.

Məlumata görə, hücum Bağdad Beynəlxalq Hava Limanı yaxınlığında yerləşən ABŞ səfirliyinin logistika mərkəzinə qarşı həyata keçirilib.

Bildirilir ki, hadisə baş verən ərazidə bir neçə partlayış qeydə alınıb və hava limanı ətrafında güclü partlayış səsləri eşidilib.

Hadisə ilə bağlı əlavə təfərrüatlar hələ açıqlanmayıb.