BAKI, 9 fevral. TELEQRAF
Səfər proqramı bölgədə beynəlxalq ticarəti, tranzit və enerji axınlarını sürətləndirəcək.
Teleqraf xəbər verir ki, bunu ABŞ-nin vitse-prezidenti J.D.Vens bu gün İrəvanda Ermənistanın Baş naziri Nikol Paşinyanla birlikdə keçirdiyi brifinqdə bildirib.
“Bu səfərim Ermənistanla qonşu ölkələr arasında görünməmiş bir əlaqəni təmin edəcək. Bu, təkcə Ermənistan xalqının rifahı üçün deyil, həm də sülh prosesinə töhfə verəcək. Enerji sektorunu, iqtisadiyyatı və s. birləşdirəndə bu, sülhə töhfə verir. Biz sülh yaratmaq, sülh qurmaq istəmirik, biz qurulan sülhün yaşamasını istəyirik”, - deyə o bildirib.
Vens qeyd edib ki, TRİPP layihəsi Ermənistana böyük miqdarda özəl kapitalın axacağını təmin edəcək.
