BAKI, 24 aprel. TELEQRAF
İranın xarici işlər naziri Abbas Əraqçi bildirib ki, İranda zənginləşdirilmiş uranın hər milliqramı MAQATE-nin tam və daimi nəzarəti və monitorinqi altındadır.
Teleqraf xəbər verir ki, Əraqçi "X" hesabında belə yazıb.
O bildirib: "İsrail rejimi və müəyyən xüsusi maraq qruplarının müxtəlif taktikalardan istifadə edərək diplomatiyanı pozmaq cəhdləri hər kəs üçün tamamilə aydındır. Bizim təhlükəsizlik xidmətlərimiz yüksək hazırlıq vəziyyətindədir. İctimai rəyi manipulyasiya etmək istəyənlərdən qorxulu peyk şəkilləri kimi fantastik iddialar və rekvizitlər irəli sürəcəklərini də gözləmək olar”.
O, əlavə edib: “İranda zənginləşdirilmiş uranın hər milliqramı MAQATE-nin tam və daimi nəzarəti altındadır”.
