İsrail Səhiyyə Naziri Yuli Edelşteyn ölkədə 15 iyun tarixindən etibarən qapalı yerlərdə tibbi maska taxmaq şərtinin ləğv edildiyini açıqlayıb.
Teleqraf.com xəbər verir ki, nazir deyib:
“Bir sıra müzakirələrdən sonra belə bir nəticəyə gəldik ki, koronavirusun yayılması ilə əlaqədar vəziyyət və müvafiq göstəricilər yaxın günlərdə pisləşməsə, 15 iyun tarixindən etibarən qapalı yerlərdə maska taxma tələbini ləğv edəcəyik”.
O qeyd edib ki, bu qərar məktəblərə şamil olunmayacaq.
