BAKI, 27 fevral. TELEQRAF

"Şamaxıda baş verən zəlzələ afterşok hesab olunur, xırda təkanlar yenidən gözlənilir".

Bunu Teleqraf-a açıqlamasında AMEA nəzdində Respublika Seysmoloji Xidmət Mərkəzinin baş direktoru Qurban Yetirmişli deyib.

O bildirib ki, enerji tam boşalıb fon səviyyəsinə gələnədək xırda təkanlar olmalıdır.

"Zəlzələnin daha güclü olma ehtimalına inanmıram. Bakı, Sumqayıt ətrafında isə zəlzələ gözlənilmir".

Qeyd edək ki, bu gün Şamaxıda 5 bala yaxın zəlzələ qeydə alınıb.