BAKI, 16 sentyabr. TELEQRAF

Hazırda xəstə Əlisəmid Kürün müalicəsi Reanimasiya şöbəsində davam etdirilir.

Bu barədə Teleqraf-ın sorğusuna cavab olaraq Respublika Diaqnostika Mərkəzindən məlumat verilib.

Bildirilib ki, o, ötən gün Respublika Diaqnostika Mərkəzinə yerləşdirilib.

"Xəstənin ümumi vəziyyəti ağır qiymətləndirilir. Bütün lazımi tibbi tədbirlər həyata keçirilir", - xəstəxanadan bildirilib.

12:34

"Atam reanimasiyadadır. Dünən əvvəlcə Sabunçu rayon xəstəxanasına, axşam saatlarında isə Respublika Diaqnostika Mərkəzinin reanimasiya şöbəsinə yerləşdirilib".

Bunu Teleqraf-a Şair Əlisəmid Kürün qızı Aynur Mehdiyeva deyib.

Qızının sözlərinə görə, Əlisəmid Kür qaraciyər çatışmazlığından əziyyət çəkir.

"Vəziyyəti yaxşı deyil" - Aynur Mehdiyeva əlavə edib.

Şairin yaxın dostu, Azərbaycan Yazıçılar Birliyinin üzvü Umud Rəhimoğlu bildirib ki, Əlisəmid Kürün vəziyyəti 2 aydır pis idi, evdə müalicə alırdı.

Onun sözlərinə görə, şairin səhhətində ciddi problemlər var və təcli müalicə olunmalıdır.

***

12:17

Şair Əlisəmid Kürün səhhətində problem yaranıb.

Bu barədə Teleqraf-a şairin yaxınları məlumat verib.

O, Respublika Diaqnostika Mərkəzinin reanimasiya şöbəsinə yerləşdirilib.