BAKI, 28 mart. TELEQRAF

Ağ Evin mətbuat katibi Karolina Leavitt çərşənbə günü bildirib ki, İlon Mask və onun Hökumətin Səmərəliliyi Departamentindəki komandası Ağ Evə və Milli Təhlükəsizlik Şurasına bir jurnalistin milli təhlükəsizlik rəsmiləri ilə "Siqnal qrup" söhbətinə necə əlavə olunduğunu araşdırmaqda kömək edəcək.

Teleqraf xəbər verir ki, bu barədə "The İndependent" qəzeti məlumat yayıb.

Məlumata görə, "The Atlantic"in baş redaktorunun ABŞ-nin Yəməndəki hərbi əməliyyatı ilə bağlı şəxslərin olduğu qrupa əlavə edilməsi xəbərindən sonra millət vəkilləri və ictimaiyyət hökuməti hadisənin necə baş verdiyini araşdırmağa çağırıb.

Ağ Evin mətbuat katibi Karolina Leavitt bu çağırışların Milli Təhlükəsizlik Şurası, Ağ Ev Müşavirliyi və Maskın DOGE komandası tərəfindən yerinə yetiriləcəyini açıqlayıb.