BAKI, 13 fevral. TELEQRAF

2024-cü ilin sonunda ölkədə ümumi olaraq 5000-ə yaxın vərəm xəstəsi aşkarlanıb.

Bu barədə Teleqraf-ın sorğusuna cavab olaraq Elmi-Tədqiqat Ağciyər Xəstəlikləri İnstitutunun direktoru İradə Axundova deyib.

O bildirib ki, bu rəqəmə həm ilkin, həm də təkrar xəstə olanlar daxildir.

"Xəstələrdən 2500-ə yaxını ilkin, qalanları isə təkrar vərəm xəstəsi kimi qeydə alınıb. Onu da əlavə edim ki, 2019-cu ildə xəstələrin sayı 6500-dən artıq olub. Yəni son 5 ili müqayisə etdikdə xəstələrin sayı 2024-cü ildə 1500 nəfər azalıb",- İradə Axundova vurğulayıb.