BAKI. 8 iyul. TELEQRAF
Serbiyada təbii yanğınların sayında kəskin artım qeydə alınıb.
Teleqraf xəbər verir ki, bu barədə respublikanın Daxili İşlər Nazirliyi məlumat yayıb.
Bildirilir ki, təkcə bazar ertəsi saat 07:00-dan 19:00-dək ölkə ərazisində 620 yanğın hadisəsi qeydə alınıb.
Nazirliyin məlumatına görə, hadisələr nəticəsində iki yanğınsöndürən-xilasedici və dörd mülki şəxs xəsarət alıb, ölən olmayıb. Yanğınların söndürülməsinə bütün mövcud resurslar - şəxsi heyət, xüsusi texnika, DİN-in Fövqəladə Hallar Sektorunun helikopter bölməsi və ordu qüvvələri cəlb edilib.
Güclü külək və +39 dərəcəyə çatan isti hava şəraiti vəziyyəti çətinləşdirir ki, bu da yeni yanğınların yaranması riskini əhəmiyyətli dərəcədə artırır.
