BAKI, 4 aprel. TELEQRAF

“Qoyulan vəzifələrin öhdəsindən gəlmək üçün müasir texnologiyalardan istifadə labüd idi. Bunun nəticəsidir ki, bu gün "Asan Xidmət"in “Publik data portalı"nı təqdimatı edirik. Dataların toplanması qlobal dünyada aktualdır”.

Teleqraf xəbər verir ki, bunu Vətəndaşlara Xidmət və Sosial İnnovasiyalar üzrə Dövlət Agentliyinin (ASAN Xidmət) sədri Ülvi Mehdiyev deyib.

O bildirib ki, 2030-cü ildə süni intellekt dünyada xüsusi mövqeyə malik olacaq:

“Hər bir dövlət gələcəyin çağırışlarını həyata keçirməlidir. Biz bu prosesdən kənarda qala bilmərik. “ASAN Xidmət” timsalında bu cür həllər idaretməyə təsir edir. Datanın düzgün toplanılmasının tətbiq etdiyi həllər çox faydalı olub. Süni intellekt həllərinin əsas tətbiqi datadır. Əldə etdiyimiz dataları tətbiq edərsək, qərar vermək data əsaslı olacaq, bu da nəticəyönümlü qərarların verilməsinə səbəb olacaq”.