BAKI, 4 aprel. TELEQRAF
Sentyabrda keçirilən qurultaydan sonra Ermənistanın hakim “Vətəndaş Müqaviləsi” Partiyasının rəhbər heyəti böyük ölçüdə yenilənəcək.
Teleqraf xəbər verir ki, bu barədə “Hraparak” məlumat yayıb.
“Hakim partiya sentyabrda keçiriləcək qurultaya hazırlaşır. Qurultayda həm də yeni idarə heyəti seçiləcək. Hələ beş aya yaxın vaxt qalsa da, kimin idarə heyətindən kənarda qalacağını hakim komanda əzbər bilir. Baş nazir Nikol Paşinyan ən yaxın adamlarından ibarət yeni heyət formalaşdırmağı planlaşdırır”, - erməni nəşri qeyd edir.
“Hraparak”ın fikrincə, 2026-cı ildə keçiriləcək parlament seçkilərində qalib gəlməyi hədəfləyən Nikol Paşinyan prosesə güclü komanda ilə getmək istəyir. Bu səbəbdən onda şübhə yaradan və mərkəzdənqaçma meylində olan şəxsləri indidən neytrallaşdırır.
