BAKI, 20 avqust. TELEQRAF

Kolumbiyada 7,4 maqnitudalı zəlzələ nəticəsində ölənlərin sayı 314-ə yüksəlib.

Teleqraf xəbər verir ki, bu barədə “Blu Radio” ölkənin Fəlakət Risklərinin İdarə Edilməsi üzrə Milli Bölməsinə (UNGRD) istinadən məlumat yayıb.

Son məlumatlara görə, təbii fəlakət nəticəsində 4 437 nəfər xəsarət alıb, 262 nəfər isə itkin düşmüş hesab olunur.

Ümumilikdə zəlzələnin fəsadlarından 262 mindən çox insanın zərər çəkdiyi bildirilir.

Qeyd edək ki, avqustun 10-da Kolumbiyada 7,4 maqnitudalı güclü zəlzələ qeydə alınıb.