BAKI, 12 fevral. TELEQRAF

Ukraynanı silahlandırmaqla Hollandiya özünü Rusiyanın hədəfinə çevirir.

Teleqraf xəbər verir ki, bu fikirlər Hollandiyanın sağçı “Demokratiya Forumu” partiyasından olan deputat Gideon van Meyerenə məxsusdur.

“Hollandiya hökuməti ABŞ-nin vassalı olmamalıdır. Biz NATO və Aİ-nin bütün əmrlərini kor-koranə yerinə yetirməməliyik, çünki bu, Hollandiya xalqının maraqlarına uyğun deyil”, - o vurğulayıb.

Deputat əlavə edib ki, Hollandiya hökuməti həmişə öz xalqının maraqlarına uyğun siyasət yürütməlidir. Onun fikrincə, ölkə Kiyevi silahlandırmaqdansa, nizamlanmaya yönəlmiş danışıqların dəstəklənməsinə üstünlük verməlidir.