BAKI, 1 dekabr. TELEQRAF

Ermənistan Baş Prokurorluğu istefada olan general-mayor Qriqori Xaçaturov barəsində cinayət işi açıldığını və beynəlxalq axtarışa verildiyini təsdiqləyib.

Teleqraf xəbər verir ki, bu barədə Ermənistan KİV məlumat yayıb.

Bildirilib ki, 3-cü Ordu Korpusunun keçmiş komandiri Qriqori Xaçaturov (Ermənistan Silahlı Qüvvələrinin Baş Qərargahının keçmiş rəisi Yuri Xaçaturovun oğlu) müharibə zamanı ölümlə nəticələnən rüşvət və vəzifə səlahiyyətlərindən sui-istifadədə ittiham olunur.

Digər təfərrüatlar açıqlanmayıb.

Artıq Xaçaturovun barəsində “vəzifə mövqeyindən istifadə edərək cinayət yolu ilə əldə edilmiş daşınmaz əmlakın külli miqdarda leqallaşdırılması” maddəsi ilə cinayət işi açılıb.