BAKI, 18 mart. TELEQRAF

Azərbaycanın Ermənistana qarşı sülh sazişinə daxil edilməyən çoxsaylı tələbləri var.

Teleqraf xəbər verir ki, bunu Ermənistanın keçmiş ombudsmanı Arman Tatoyan deyib.

Onun fikrincə, həmin tələblər aşağıdakılardır:

- Ermənistan hökuməti qərbi azərbaycanlıların geri qayıtmasını, onların Ermənistana maneəsiz daxil olmasını təmin etməlidir;

- Zəngəzur dəhlizi açılmalıdır;

- Ermənistan konstitusiyası Azərbaycanın tələblərinə uyğun dəyişdirilməlidir;

- Ermənistan Azərbaycana təzminat ödəməlidir;

- Ermənistan Minsk qrupunun ləğvi ilə bağlı Azərbaycanla birgə ATƏT-ə müraciət etməlidir;

- Ermənistan silahsızlaşdırılmalı və xarici ölkələrdən alınan silahlar təhvil verilməli və ya geri qaytarılmalıdır;

- Ermənistanda Birinci Qarabağ müharibəsi ilə bağlı “qələbə təbliğatı və müharibə iştirakçılarının tərənnümü”nə son qoyulmalıdır;

- Ermənistanda faşizm və radikal milliyyətçiliyi təbliğ edən bütün struktur və təşkilatlar bağlanmalıdır”.

Tatoyan qeyd edib ki, bunlar sülh müqaviləsindən kənarda olan və sazişin imzalanmasından əvvəl həll edilməli olan məsələlərdir.