BAKI, 23 fevral. TELEQRAF

Həcc ziyarəti üzrə kvotanın 81%-dən çoxu tamamlanıb.

Bu barədə Teleqraf-ın sorğusuna cavab olaraq Qafqaz Müsəlmanları İdarəsinin (QMİ) Xarici Əlaqələr şöbəsinin müdiri, Həcc elektron sistem rəhbəri Vüsal Cahangiri məlumat verib.

O qeyd edib ki, qeydiyyat martın 7-də başa çatacaq.

"Adətən insanlar qeydiyyat üçün orucluqdan sonrakı vaxtı gözləyirlər. Amma gözləməsinlər, çünki martın 7-dən sonra vaxt uzadılmayacaq. Vətəndaşlar həmin vaxta qədər tələssinlər", - o vurğulayıb.

Qeyd edək ki, Həcc mövsümündə bir nəfər üçün ziyarət paketinin qiymətini 6100 ABŞ dolları müəyyən edilib. Ziyarət vahid formada təşkil olunacaq və hava nəqliyyatı ilə həyata keçiriləcək.