BAKI, 20 may. TELEQRAF

Xalq şairi Rəsul Rzanın ev-muzeyinin yaradılması başa çatıb.

Bunu Teleqraf-a açıqlamasında Rəsul Rzanın oğlu, Azərbaycan Yazıçılar Birliyinin (AYB) sədri, Xalq yazıçısı Anar Rzayev deyib.

Onun sözlərinə görə, ev-muzeyi hazırdır, yaxın on gün ərzində açılış mərasimi olacaq.

Qeyd edək ki, Prezident İlham Əliyev 2022-ci il iyunun 23-də Rəsul Rzanın ev-muzeyinin yaradılması haqqında sərəncam imzalayıb.

Sərəncama əsasən, Nazirlər Kabinetinə bununla bağlı zəruri tədbirlərin həyata keçirilməsini təmin etmək tapşırılıb.

Bir müddət öncə Xalq yazıçısı Anar atasının ev-muzeyinin yaradılmasının gecikdirilməsindən şikayət etmişdi.