BAKI, 2 sentyabr. TELEQRAF
Şimali Kiprin şimal sahillərində "FiloJet" sürətli sərnişin bərəsinin qəzaya uğraması nəticəsində həlak olanların sayı 9 nəfərə yüksəlib.
Teleqraf xəbər verir ki, bu barədə Şimali Kipr Türk Respublikasının (ŞKTR) Baş naziri Ünal Üstel bildirib.
Baş nazir bildirib ki, qəza zonasında aparılan intensiv axtarış-xilasetmə əməliyyatları nəticəsində daha bir neçə nəfərin meyiti sudan çıxarılıb və fəlakət qurbanlarının ümumi sayı doqquza çatıb.
Hazırda sahil mühafizə gəmiləri və helikopterlərin iştirakı ilə dənizdə itkin düşən digər sərnişinlərin axtarışı gərgin şəkildə davam etdirilir. Qəzanın dəqiq başvermə səbəbləri hələlik açıqlanmayıb.
