Bakı Su İdman Mərkəzində Birinici Avropa Oyunları çərçivəsində Sinxron üzgüçülük yarışları üzrə fərdi çıxışların ilkin mərhələsi başa çatıb. Yarışdan sonra Teleqraf.com-un əməkdaşı Türkiyə təmsilçisi Dəfnə Bakırcıdan müsahibə alıb. O, çıxışı və ölkəmiz haqqında olan ilkin təəsuratlarını bölüşüb. Həmin müsahibəni təqdim edirik.

- Fərdi çıxışınızdan razı qaldınızmı?
- Əslində çıxışımdan razı qaldım. İlk mərhələdən bu qədər xal qazanmağım məni ruhlandırıb. Əgər finala çıxsam, daha yaxşı çıxış edəcəm.

- Kimləri özünüzə rəqib görürsünüz?
- Hazırda bunu demək çətindir. Finala kimlərin qalacağı tam bəlli deyil. Ümumi baxdıqda isə Hollandiya və Böyük Britaniyanı qabaqlamağı düşünürəm.

- Şəhərimizi gəzməyə vaxtınız olubmu?
- Bakını gəzməyə hələ ki vaxtım olmayıb. Əslində Azərbaycanda özümü evimdəki kimi hiss edirəm. Hər kəs bizə xoş münasibət göstərir. Həqiqətən çox gözəl şəhərdir.

- Birinci Avropa Oyunlarından öncə hansı turnirlərdə iştirak etmisən?
- 2013-cü ildə Gənclər arasında təşkil edən Avropa Çempionatına qatılmışdım. 2014-cü ildə isə Gənclər arasında təşkil edilən Dünya Çempionatına qatılmışdım. Qarşısa isə Kazanda keçiriləcək Dünya Çempionatı var.

Qeyd edək ki, Türkiyə təmsilçisi Dəfnə Bakırcı fərdi çıxışı üzrə 75.7667 xal toplayıb.

Rüstəm

Medial
Medial