ŞUŞA, 20 iyul. TELEQRAF

"Media savadlılığı cəmiyyət üçün olduqca vacibdir".

Teleqaf-ın Şuşaya ezam olunmuş əməkdaşı xəbər verir ki, bunu “Euronews Baku”nun baş icraçı redaktoru Fernando Soares bu gün “Rəqəmsal Keçidlər: Süni İntellekt Dövründə İnformasiya və Media Dayanıqlılığının Gücləndirilməsi” mövzusuna həsr olunmuş III Şuşa Qlobal Media Forumunda çıxışı zamanı deyib.

O qeyd edib ki, müasir informasiya cəmiyyətində insanların düzgün və etibarlı məlumata çıxışı mühüm əhəmiyyət daşıyır.

“Media savadlılığı yalnız xəbərləri oxumaq deyil, eyni zamanda yayılan informasiyanın mənbəyini qiymətləndirmək, dezinformasiyanı tanımaq və informasiyanı tənqidi düşüncə ilə analiz etmək bacarığıdır”, - F.Soares bildirib.