XOCAVƏND, 14 mart. TELEQRAF

Xocavənd rayonunun Xanoba kəndinə çatan ailələrə mənzillərin açarları təqdim edilib.

Teleqraf-ın Qarabağ bürosunun xəbərinə görə, bu gün yola salınan 25 ailəyə sahib olduqları mənzillərin açarları təqdim olunub.

***

13:34

Köç karvanı Xanoba kəndinə çatıb

Teleqraf-ın Qarabağ bürosunun xəbərinə görə, səgər saatlarında doğma yurduna yola salınan 25 ailədən, 114 nəfər ibarət köç karvanı Xanoba kəndinə çatıb.

Doğma yurduna qayıdan ailələri kənddə Azərbaycan Respublikası Prezidentinin Ağdam, Füzuli və Xocavənd rayonlarında xüsusi nümayəndəliyi, Qaçqın və məcburi köçkünlərin işləri üzrə Dövlət Komitəsinin rəsmiləri, Ağdam, Füzuli və Xocavənd rayonlarında Bərpa Tikinti və İdarəetmə Xidmətinin əməkdaşları qarşılayıblar.

Daha sonra mənzil başına çatan ailələrə sahib olduqları mənzillərin açarları təqdim ediləcək

***

11:52

Xocavənd rayonun Xanoba kəndinə ilk köç karvanı yola salınıb.

Teleqraf-ın Qarabağ bürosunun xəbərinə görə, Xocavənd rayonunun Xanoba kəndinə ilk köç karvanı yola salınıb. Köç prosesi İlham Əliyevin tapşırığına uyğun olaraq işğaldan azad edilmiş ərazilərə həyata keçirilən Böyük Qayıdış proqramı çərçivəsində davam etdirilir.

Xanoba kəndinə köç edən sakinlər respublikanın müxtəlif bölgələrində, əsasən yataqxanalarda, sanatoriyalarda və inzibati binalarda müvəqqəti məskunlaşmış məcburi köçkün ailələridir. Dövlət tərəfindən yaradılan şərait nəticəsində onlar uzun illərdən sonra doğma yurdlarına qayıtmaq imkanı əldə ediblər.

Doğma torpaqlarına qayıdan sakinlər göstərilən diqqət və qayğıya görə Prezident İlham Əliyevə və Birinci vitse-prezident Mehriban Əliyevaya təşəkkürlərini bildiriblər.

Sakinlər həmçinin torpaqlarımızın işğaldan azad olunmasında böyük qəhrəmanlıq göstərən Azərbaycan Ordusunun əsgər və zabitlərinə minnətdarlıqlarını ifadə edib, bu yolda canlarından keçən şəhidlərə Allahdan rəhmət diləyiblər.

Qeyd edək ki, işğaldan azad edilmiş ərazilərdə genişmiqyaslı bərpa və quruculuq işləri aparılır və Böyük Qayıdış proqramı çərçivəsində keçmiş məcburi köçkünlərin doğma yurdlarına mərhələli şəkildə qayıdışı davam edir.