BAKI, 25 sentyabr. TELEQRAF

“Avropanın ABŞ-nin İrana hücumlarına dəstəyi cavabsız qalmayacaq”.

Teleqraf xəbər verir ki, bunu İran xarici işlər nazirinin müavini Kazım Qəribabadi deyib.

Diplomat NATO baş katibi Mark Ruttenin ABŞ-nin İrana qarşı hücumlarını dəstəkləmək üçün Avropadakı bazalarından istifadə etməsi ilə bağlı açıqlamalarına cavab olaraq qeyd edib ki, Avropa məsuliyyətdən yayına bilməyəcək.

Qəribabadi vurğulayıb ki, Ruttenin açıqlamaları Avropanın ABŞ-nin hərbi kampaniyasına yardımını təsdiqləyir.

“Ərazilərini ABŞ-yə təhvil verən hökumətlər məsuliyyətdən yayına bilməyəcəklər. Bu iştirak cavabsız qalmayacaq”, - İran Xarici İşlər Nazirliyinin nümayəndəsi əlavə edib.