BAKI, 5 aprel. TELEQRAF

Əmək və Əhalinin Sosial Müdafiəsi Nazirliyində yeni təyinat olub.

Teleqraf-ın əldə etdiyi xəbərə görə, Əmək və əhalinin sosial müdafiəsi naziri Anar Əliyev özünə yeni köməkçi təyin edib.

Bu vəzifəyə Prezidentin Mətbuat Xidmətinin sabiq əməkdaşı Seyran Məmmədov təyin edilib.

Qeyd edək ki, S.Məmmədov 1980-ci ildə Bakı şəhərində anadan olub. Azərbaycan Dövlət İqtisad Universitetini (UNEC) bitirib.

2001-2004-cü illərdə "Space" MTRŞ-də ingilis dilində analitik-informasiya proqramının aparıcısı və redaktoru olub.

2004-2010-cu illərdə Prezidentin Mətbuat Xidmətinin əməkdaşı kimi çalışıb.

2010-2025-ci illərdə İqtisadiyyat Nazirliyi nəzdindəki Bakı Biznes Mərkəzinin direktoru vəzifəsində işləyib.