BAKI, 25 avqust. TELEQRAF

Bu ilin yanvar-iyul ayları ərzində Azərbaycanda meyvə bağlarının salınmasına ümumilikdə 43,7 milyon manat subsidiya verilib.

Kənd Təsərrüfatı Nazirliyindən Teleqraf-a verilən məlumata görə, cari ilin ilk 7 ayında xarici bazarlara təxminən 313 milyon dollar dəyərində meyvə ixrac olunub.

Bu dövrdə meyvə ixracının dəyəri 7 ay ərzində bu sahənin subsidiyalaşdırılmasına ayrılan məbləğdən 7,2 dəfə çoxdur.

Qeyd edək ki, 2024 -cü ildə Azərbaycanda meyvə bağlarının salınmasına ümumilikdə 38 milyon 220 min manat subsidiya ayrılıb. Eyni zamanda ötən il xarici bazarlara 496 milyon 989.7min manatlıq meyvə ixrac edilib.