Ceyhun Nəbi

Xalq Cəbhəsi anlayışı siyasi termin olaraq dünyanın bir çox ölkələrində tətbiq olunsada, bizim ölkədə onun tətbiqi, şəkillənməsi başqa formada həyata keçirilmişdi. Bizdə bu millilik üzərində qurulmuşdu, onun ideya daşıyıcılarına, düşüncə sahiblərinə Cəbhəçilər deyilib.
Cəbhəçilər kimlərdir ? Əlbəttə hər bir kəs özünə Cəbhəçi deyə bilər, onun qarşısında heç bir sədd yoxdur, bəziləri zövq almaq üçün, bəziləri qürurlanmaq üçün, bəziləri siyasi maraqlar üçün, bəziləridə onu başa düşməsə belə o adı daşıyır. Bəs yaxşı əsl Cəbhəçilər kimlərdir ? Ən birinci bu dövlətçiliyə bağlı, onu Azərbaycan Xalq Cümhuriyyətinin varisi olduğunu qəbul edənlər, bu dövlətin istiqlal və bağımsızlığını ən üstün hesab edənlər, bu ölkənin vətəndaşlarının hürriyyəti uğrunda döyüşən və onu qoruyan vətən övladlarıdır. 
Cəbhəçilik siyasi çalarlardan çox, idealoji mahiyyət daşıyır. Qarşımıza konkret hədəf və dəyərləri qoymuş hərəkatçılıqdır. təsəvvür edin ki, bizlərdə deyirik ki, məndə Cəbhəçiyəm, birdə Ramiz Qəmbərovun, Allahverdi Bağırovun, Əliyar Əliyevin, Mehman Ələkbərovun, Şahmərdan Cəfərovun, Eldar Bağırovun, İkram Zeynalovun, Məşədi Əbdülün və s-nin Cəbhəçiliyinə baxın, fərqi görəcəksiniz, Cəbhəçilik bu şəxslərin simasında özünə rəng verib, əsl Cəbhəçilik mahiyyətini alıb. 
Cəbhəçilik özünün mahiyyəti üzrə özünün əxlaq sistemini formalaşdırıb, bunun nəticəsidir ki, son günə qədər bu adı daşıyanlar çətin yollar keçir və keçməkdədirlər. Cəbhəçilər böyük əziyyətlərə, sıxıntılara qatlaşaraq ölməz ideyanı qoruyub, saxlayıblar. bu əxlaq onları ölməz vətən sevgisindən, eşqindən ayrı sala bilməyib, hətta onları buna məcbur etsələr belə səpilmiş müqqədəs toxumlar cücərir, gənclərin düşüncəsinə daşınır. 
Xalq Cəbhəsinin formalaşmasında, onun düşüncə şəkillənməsində və Cəbhəçilərin vətən övladları olaraq yetişməsində ən böyük yer ölməz öndərimiz Əbülfəz Elçibəyə məxsusdur. Xalq Cəbhəsi, onun bərpa etdiyi Azərbaycan Respublikası və Cəbhəçilərin ölməz düşüncə və idealları Əbülfəz Elçibəyin əsəridir. Bu silinməz, yaddaşlarda yaşayan idallar Azərbaycanın varlığıdır.
Bu ideallar, böyük əxlaqın daşıyıcısı olan vətən övladları Azərbaycanı bütövlüyə APARACAQ. 
Mütləq BİZ QALİB GƏLƏCƏYİK.